Fyrsta sending uppseld! – Áfram tilboð í október – Lesið til enda

Takk fyrir frábærar viðtökur á nýju CURA Minky teppunum ?

Við vorum nokkuð bjartsýn á að nýju CURA Minky þyngingarteppin (e. weighted blanket) væru góð þegar við bættum þeim við vöruúrvalið hjá okkur. En það verður eiginlega að segjast eins og er að þau eru enn betri en við áttum von á eða að okkar mati algjörlega geggjuð. Núna eru gráu teppin uppseld og mjög lítið eftir af bláum og rauðum. Næsta sending er væntanleg 15.-22. október.

Eftir að við komumst í kynni við CURA vörurnar í ársbyrjun finnst okkur að hvert heimili ætti að eiga a.m.k. eitt þyngingarteppi eða eina þyngingarsæng. Við höfum ekki heyrt annað en að það sé mjög mikil ánægja með CURA enda einungis örfáir sem hafa ekki geta notað þær og fengið að skila (1,5%).

Hvað er það sem gerir þyngingarteppin/sængurnar svona góð? Fjölmargar rannsóknir hafa sýnt fram á að notkun á þeim skapar aukna vellíðan, þú slakar betur á, það kemur ró yfir þig, þú finnur fyrir minni streitu og kvíða og þú sefur betur. Þyngingarteppi/sængur hafa verið notuð í lækningaskini um árabil og er CURA Pearl skrásett lækningavara í Svíþjóð. En þau eru ekki bara notuð í lækningaskini heldur hefur almenningur á Norðurlöndunum heldur betur áttað sig á kostum þess að nota þau og sem dæmi um það voru þau í öðru og sjötta sæti yfir vinsælustu jólagjafir síðasta árs í Svíþjóð. Við værum ekki hissa þó að svipað yrði upp á teningnum í ár nema við eigum von á því að CURA Minky þyngingarteppið verði mjög ofarlega á lista.

Það er ekki bara á viðskiptalegum forsendum sem við viljum að fólk eignist CURA vörurnar heldur er það okkur kappsmál að fólk fái að upplifa sömu vellíðan og hundruð þúsunda Norðurlandabúa upplifir nú á hverjum degi auk fjölmargra Íslendinga. Við höldum líka að það geti ekki spillt fyrir að verðin okkar eru núna ein þau lægstu á Norðurlöndunum.

Við viljum auðvelda fleirum á að eignast CURA Minky þyngingarteppið og því höfum við ákveðið að vera með 20% afslátt á því eitthvað fram eftir mánuðinum. Við vitum að það eru ekki allir farnir að hugsa til jóla núna en ef þú ætlar að tryggja að CURA Minky teppið verði örugglega í jólapakkanum hjá einhverjum sem þér þykir vænt um þá borgar sig ekki að bíða of lengi með að panta það ?

Smá bónus fyrir þá sem panta tímanlega! Við ætlum að draga út þrjár október pantanir (CURA Pearl eða CURA Minky) og endurgreiða þær í formi inneigna.